Martinezena

Iturria: www.erabili.org

Eusko Jaurlaritzaren Kultura Sailak abian jarritako Zinema euskaraz egitasmoak urrats berria eman du. Joan den asteburutik, EAEko sei zinema-areto komertzialetan euskarazko bost film ikusteko aukera izango da, tartean Aupa Etxebeste! eta Obaba. Egitasmoaren helburua da, urtean gutxienez bost film euskaraz bikoiztea.

Zinema euskaraz programak euskaraz egindako edota bikoiztutako pelikulak zirkuitu komertzialean pantailaratzen eta banatzen laguntzen du. Lana erraztearren, zine-programatzaileek, kultura-sustatzaileek eta ikusleek euskaraz zer sortu den eta euskarara zer bikoiztu den jakin ahal izateko datu-basea sortu zuen Kultura Sailak.

Programak beste pauso bat eman du orain; izan ere Arabako, Bizkaiko eta Gipuzkoako sei zinema-areto komertzialetan filmak euskaraz ikusteko aukera dago, joan den asteburutik.

Zirkuitua ehun filmez osatua dago, eta urte amaiera bitartean zinemaz zinema aldatzen joango dira. Egitasmoan Bilboko Multicines eta Reinor, Basauriko Bilbondo, Donostiako Antiguo Berri, Errenteriako Niessen eta Gasteizko Florida zinema-aretoek hartzen dute parte. Eskainiko diren filmak, berriz, honakoak dira: Perez sagutxoa 2, Aupa Etxebeste!, Winx erreinu galduaren sekretua, Harri magikoaren bila eta Obaba.

Hala ere, proiektua haratago eraman nahi dute, eta ostiraletako gaztelaniazko estreinaldiekin batera, euskarazko bertsioa estreinatu nahi dute.

Halako titulua ("Las vidas de Zulma") dauka Alter Nativas elkarteak ekoiztu eta Blanca Oriak eta Juan Zapaterrek zuzendu duten film dokumentalak. Filmak hamar emakume etorkinen istorioa agertzen du, hamarrak Nafarroako hainbat herritan bizi direlarik. Asmoa da azaltzea nola bizi duten protagonistek inmigrazioa, gehienbat emozioei dagokienez.

Horretarako, emakumeen barnea saiatu dira erakusten, eta indarraz bizi izan dutela herria utzi beharra. Hainbat topiko hautsi ere nahi izan dute egileek: bakoitzaren istorioak zerikusirik ez dauka bestearenarekin; banakoak dira, paregabeak.

Emakumeak Brasil, Kolonbia, Txile, Nigeria, Ghana eta Txinakoak dira. "Zulma" arabierazko berba da; emakume indartsuaren irudia agertzen du, alai eta borrokalaria. Horrelakoxeak dira-eta emakume etorkinak.

Filma Nafarroako Museoan estrinatu dute eta hemendik gutzira iritsiko da Bilbora. Egiteko diru lagunzta eman zuten Iruñako Udalak eta Nafarroako Gobernuak.

Hizkuntzari edo hizkuntzei buruzko zerbait ikusiko nuelakoan joan nintzen zinera eta armen kontrako alegatoa topatu; film itxurako alegato ederra, asaldagarria, ikusteko batere erosoa, une batetik bestera zerbait ikaragarria gertatuko dela sentiarazten duten horietakoa. Izan ere horrelakoa gertatzen da-eta, armak tartean daudelarik.

Tokioko dozenaka solairuko etxe eder garesti batean gizon batek arma pare bat dauka gutxienez. Bata emazteak hartu eta tiroa eman buruan. Bestea, fusil sofistikatu erabilgaitza, Marokora eraman ehizaldi batera eta nekazari bati eman dio opari gisa. Nekazariak artzain bati saldu eta horren semeek darabilte ordutik aurrera fusila, ardiei eraso egin ohi dieten txakalak hiltzeko. Horrelako arma metalezko distiratsu teknologia puntakoa Marokoko mendi lehorretako artzain txiki txiro biren esku batere trebeetan ikustea izugarria zaio edonori, edonor horrek garbi dakielako tragedia errepideko hurrengo bihurgunearen bueltan dagoela zain; eta egon ere badago eta gertatu ere gertatzen da.

Marokotik istorioa Estatu Batuetara joan zaigu eta hortik Mexikora, herrialde biotan armak tamalez presente omen daudelarik eguneroko poz-penetan. Eta herriz herri bezala, hizkuntzaz hizkuntza gabiltza munduan, Babelen. Kalifornia hegoaldean eta Mexikon txikanoen espainiera gozoa entzuteko parada dugu, film-itzultzaileen desesperorako, hala ingelesa nola espainiera doblatu beharrean, minez erabaki behar izaten baitute noiz jatorrizko bertsioa utzi eta noiz ez.

Tituluak liluratuta, bada, komunikazio ezaren gaineko zerbait ikusiko nuelakoan, armaren kontrako eta bakearen aldeko beste zerbait gozatu nuen. Hona hemen nire ekarri apala kausari: Amnesty">http://www.es.amnesty.org/actua/acciones/ley-comercio-armas">Amnesty International.